ഋതു....

ഇലകള്‍ പൊഴിക്കണം.... വേരുകളും ശാഖകളും മാത്രം അവശേഷിക്കണം.. പതിയെ ശാഖകള്‍ ഓരോന്നായി ഉണങ്ങണം.. അടര്‍ന്നു വീണു വളമാകുമ്പോള്‍ വലിച്ചെടുക്കാന്‍ വേരുകള്‍ക്ക് ശേഷിയില്ലാതാവണം.....ഒടുവില്‍ ആദ്യമെന്തായിരുന്നുവോ അത് തന്നെയാണവസാനവും എന്നറിയണം... ഞാന്‍ പോലുമറിയാതെ എനിക്ക് ഞാനായി മാറണം.. എന്‍റെ ജന്മം, എന്‍റെ ജീവിതം, എന്‍റെ നിമിഷങ്ങള്‍, എന്‍റെ സ്വപ്‌നങ്ങള്‍, എന്‍റെ മോഹങ്ങള്‍,  എന്‍റെ സന്തോഷങ്ങള്‍, എന്‍റെ വേദനകള്‍, എന്‍റെ പ്രണയം, എന്‍റെ സ്നേഹം, എന്‍റെ നഷ്ടം,  എന്‍റെ സൗഹൃദം.... എല്ലാം നമ്മളില്‍ നിന്ന് മാറി എന്‍റെ എന്ന സ്വാര്‍ത്ഥതയില്‍ തീര്‍ക്കണം... അതോടെ തീരണം എല്ലാം...

കാലത്തിന്‍റെ കണക്കുപുസ്തകത്തില്‍ എനിക്കെഴുതിത്തീര്‍ക്കാന്‍ ഇനി ഒരല്‍പ മാത്രകള്‍ കൂടി...

ഒരു ജന്മത്തിന്‍റെ സൗന്ദര്യം മുഴുവന്‍ ഒരു മാത്ര കണ്ട നിന്‍റെ പുഞ്ചിരിയില്‍ പൊലിമ കൂടുന്നു...

വിണ്ണിലെ താരകങ്ങള്‍ എന്നെ നോക്കി ചിരിക്കുന്നു.... ചില രാവുകളില്‍ വിളിക്കാറുണ്ട്,  മേഘങ്ങളുടെ ചിറകിലേറി ഞാന്‍ യാത്രയാകാറുമുണ്ട്... അകലേ നിറനിലാവ്, പെയ്തൊഴിഞ്ഞ മഴയില്‍, കുളിര്കോരുന്നു തനുവും മനസ്സും.... ചേര്‍ത്തു പിടിച്ച നിന്‍റെ കൈകള്‍ക്കും ഏറെ തണുപ്പ്....

ഓര്‍മ്മയിലിപ്പോള്‍ നന്ദിത... അറിയാത്ത ഒരെഴുത്തുകാരി... വിക്ടര്‍ ജോര്‍ജ്ജ്, അറിയാത്ത ഒരു ഫോട്ടോഗ്രാഫര്‍ ...  ചിലരങ്ങനെയാണ്, അറിയാതെ മനസ്സില്‍ കയറിപ്പറ്റും... ഒരു പരിചയവുമില്ലാതെ...! ഒരിക്കലും ഇറങ്ങി പോകാത്തവിധം..... പിന്നെയും ഓടിയെത്തുന്ന മുഖങ്ങള്‍ ഒരുപാട്... ഒരിക്കലും എന്നെ തേടിയെത്താത്തവ.... 

മനസ്സ് പായുകയാണ്, ഏറെ വേഗതയില്‍ !  കൂടെ ഓടിയെത്തുവാന്‍ ഞാന്‍ നന്നേ പാട്പെടേണ്ടി വരുന്നു! അത് കൊണ്ട് തന്നെ കൂട്ടുവരുവാന്‍ പറയുന്നില്ല ആരോടും...

അകലേ മറയുന്നതിനു മുന്നേ എന്‍റെ സ്നേഹം ഇവിടെ സമര്‍പ്പിച്ച് കൊണ്ട്, എന്‍റെ ഓര്‍മ്മകളെ എന്‍റെ കൂടെ കൂട്ടിക്കൊണ്ട്.. കാലത്തിനപ്പുറം ഓടിയത്താന്‍ വെമ്പുന്ന എന്‍റെ മനസ്സിനോടൊപ്പം ഞാനും.......

വസന്തവും ഗ്രീഷ്മവും വര്‍ഷവും ശരദ്ഉം ഹേമന്തവും ശിശിരവും കഴിഞ്ഞു..... ഇനിയുള്ളത് ആവര്‍ത്തനങ്ങളാണ്.... 

ഒരിക്കല്‍ കൂടി ജനിച്ച് ഒന്നുറക്കെ കരഞ്ഞു നിന്‍റെ ചുണ്ടില്‍ പുഞ്ചിരി വിരിയിക്കണം..... നിന്‍റെ മാറോടൊട്ടി സ്നേഹാമൃതം നുകരണം.... നിന്‍റെ കൈപിടിച്ച് ഒരിക്കല്‍ കൂടി നടക്കണം, അന്നാ വഴികളില്‍ കണ്ട അപ്പൂപ്പന്‍താടികളെയും, മഞ്ചാടിമണികളെയും ഒരിക്കല്‍ കൂടി സ്വന്തമാക്കണം..... ഓരോ വര്‍ഷം കഴിയുമ്പോഴും നിന്‍റെ കണ്ണുകളില്‍ കാണുന്ന പ്രതീക്ഷകള്‍ സഫലമാക്കിത്തരണം.. നരവീണ നിന്‍റെ തലമുടി തഴുകിത്തലോടി കൈക്കുമ്പിളില്‍ ആ മുഖം കോരിയെടുത്ത് എന്‍റെ നെഞ്ചോട്‌ ചേര്‍ക്കണം, നിന്‍റെ ആകുലതകള്‍ മുഴുവന്‍ അകറ്റണം... ഒരിക്കല്‍ കൂടി തണല്‍വിരിക്കണം.. 

ഇന്നലെ.... ഇന്ന്.... നാളെ....

ഇന്നലെ:

കാത്തിരിപ്പ് ഏറെ സുഖമുള്ളതാണ്‌., എന്നെങ്കിലും തേടിയെത്തും എന്നുള്ള പ്രതീക്ഷയില്‍ കണ്ണും മനസ്സും കോര്‍ത്തുകൊണ്ടുള്ള കാത്തിരിപ്പ്... ഞാനിന്നും നിന്നെ കാത്തിരുന്നു ഏറെ നേരം... ഒരു വേള വഴിതെറ്റിയെങ്കിലും നീ എത്തുമെന്നുള്ള വെറും പ്രതീക്ഷയില്‍, പക്ഷേ നീ വന്നില്ല... എനിക്കറിയാമായിരുന്നു നീ വരില്ല എന്ന്... എന്നിട്ടും എന്തേ പ്രതീക്ഷിച്ചു എന്ന് ചോദിച്ചാല്‍ ഒന്നേയുള്ളൂ മറുപടി കാലം തെറ്റി പെയ്യുന്ന മഴപോലെയെങ്ങാനും നീയും പെയ്താലോ എന്ന ചിന്ത; അതെന്നെ വിട്ടു പോയിരുന്നില്ല... ബാലിശമായ വാശികള്‍ക്കപ്പുറം നമ്മള്‍ കളയുന്നത് ഒരുമിച്ചുള്ള നല്ല നിമിഷങ്ങളാണ് എന്ന് എനിക്കും നിനക്കും നല്ലത് പോലെ അറിയാം.... എന്നിട്ടും വെറുതേ അകലങ്ങളില്‍ മറയുമ്പോള്‍ ചിലപ്പോഴെങ്കിലും നിന്റെയും കണ്ണുകള്‍ നിറയാറില്ലേ...? എങ്കിലും അകന്നേ മതിയാകൂ... അരികിലണഞ്ഞാല്‍ എല്ലാം ദഹിപ്പിക്കുന്ന അഗ്നിയാണ് ഞാന്‍, സ്നേഹമുള്ള ഒരു നോട്ടം പോലും അര്‍ഹതയില്ലാത്തവന്‍ ... സാന്ത്വനത്തിന്റെ വാക്കുകള്‍ പോലും കേള്‍ക്കാന്‍ നിഷേധിക്കപ്പെട്ടവന്‍ .... വാക്കുകള്‍ കൊണ്ടും മൗനങ്ങള്‍ കൊണ്ടും പരസ്പരം വേദനിപ്പിക്കുമ്പോള്‍ അറിയാതെ പോകരുത്, വേദനിക്കാന്‍ വേണ്ടിയല്ല നമ്മള്‍ ജീവിക്കുന്നത് എന്ന്... 

ഇന്ന്:

സൂര്യനിന്ന് തെളിച്ചമേറെ, മനസ്സും അത് പോലെ.

അനിശ്ചിതത്വത്തില്‍ നിന്നും തീരുമാനത്തിലേക്ക്.

ഇന്നലെ പെയ്ത മഴയില്‍ ഓര്‍മ്മകള്‍ നനഞ്ഞ് കുതിര്‍ന്നപ്പോള്‍ 

മുളച്ചു പൊങ്ങിയതെല്ലാം ചിന്തകളുടെ സ്വാതന്ത്ര്യമായിരുന്നു.

സ്വരതാളങ്ങള്‍ തെറ്റുമ്പോള്‍ അറിയായ്കയല്ല...

സമയമാകുമ്പോള്‍ പോവുക.... എനിക്ക് കൂട്ട് കാലമാണ്.... ഒരിക്കലും എന്നെ വിട്ടുപിരിയാത്ത കാലം... ആ കാലത്തിനൊപ്പം എനിക്കൊഴുകിയേ മതിയാകൂ... എന്‍റെ ലക്ഷ്യങ്ങള്‍, എന്‍റെ മാര്‍ഗ്ഗങ്ങള്‍ ഏറെ വ്യത്യസ്തമാണ്.. എനിക്ക് നേടിയെടുത്തേ മതിയാകൂ... അതിനിടയില്‍ വേദനിക്കാന്‍ സമയമില്ല.. കണ്ണുനീര്‍ പൊഴിക്കാനും... മറവി മരണമെന്നോതി വിട പറയണം... 

നാളെ:

കാലമെന്നെ ഏറെ വേഗത്തില്‍ നിന്നില്‍ നിന്നും മായ്ച്ചു കളയാന്‍ ഞാനും ആത്മാര്‍ത്ഥമായ് ആഗ്രഹിക്കുന്നു... ഒരു പക്ഷേ മായ്ച്ചു കളഞ്ഞിട്ടുണ്ടാകും അല്ലേ..? നാളെ ഒരോര്‍മ്മ കൊണ്ട് പോലും നിന്‍റെ കണ്ണുകള്‍ നിറയരുത് എന്നാഗ്രഹമുണ്ട്, ഒരു നിമിഷമെങ്കിലും ഓര്‍മ്മകളില്‍ നിറയരുത് എന്നും ആഗ്രഹമുണ്ട്... അതെങ്കിലും നീയെനിക്ക് സാധിച്ചു തരിക... വഴികളില്‍ കാണുമ്പോള്‍ അറിയാതെ ചിലപ്പോള്‍ ചോദിച്ചു പോകും... മറുപടി പറയാതിരിക്കുക.... അവഗണിച്ചേക്കുക... നിന്‍റെ തീരുമാനങ്ങള്‍ തന്നെയാണ് നിന്‍റെ ശരികള്‍ ... അകന്നു പോകുമ്പോള്‍ തടഞ്ഞു നിര്‍ത്തില്ല, നിര്‍ത്താനാവില്ല... ആ അകല്‍ച്ചയാണ് നിന്‍റെ സന്തോഷം എന്ന എന്‍റെ വിശ്വാസം ഒരിക്കലും തെറ്റാതിരിക്കട്ടെ... 

സജീവ്‌ വടകരയുടെ "യാത്രാമൊഴി"..

വിടരാതടര്‍ന്നൊരെന്‍ പ്രണയമൊട്ടേ

വിതുമ്പിത്തളരാതെ യാത്രയാകൂ...   (2)

കനല്‍ പോലെയെരിയുമെന്നോര്‍മ്മകള്‍

നോവിന്‍റെ കഥകളിയാടുന്നൊരീ വേളയില്‍   (2)

നിന്‍ നീല മിഴികളില്‍ മെല്ലെത്തുളുമ്പുന്ന

മന്ദസ്മിതത്തിലേക്കലിയുവാനായി

അനുരാഗസന്ധ്യകള്‍ പൂക്കില്ലൊരിക്കലും

എന്നെന്നിലാരോ നിലവിളിക്കേ

നിന്നെ പിരിയുവാന്‍ വയ്യെനിക്കെങ്കിലും

കരള്‍ നൊന്തു കേഴുന്നു കൂട്ടുകാരീ..

അധരം വിതുമ്പാതെ, മിഴികള്‍ തുളുമ്പാതെ

യാത്രയാകൂ സഖീ യാത്രയാകൂ

ഒത്തിരി നീന്തിത്തളര്‍ന്നൊരെന്‍ കൈകളും

തമസ്സിന്‍റെ തേര്‍വാഴ്ച കണ്ടൊരെന്‍ മിഴികളും

വഴിമാറിയൊഴുകിയ നദിയുടെ ഗതിപോലെ

വിറ പൂണ്ടു നില്‍ക്കുന്നുവെങ്കിലും

ഇറ്റിറ്റു വീഴുന്ന കണ്ണുനീര്‍ തുള്ളിയെ സാക്ഷിയായി

യാത്രാമംഗളം നേരുന്നു ഞാന്‍ (2)

ഏകാന്തരാവിന്‍റെ നൊമ്പരസീമയില്‍

കുളിര്‍കാറ്റ് വീശിയോരാഹ്ലാദ നിമിഷവും

നീലക്കുറിഞ്ഞി തന്‍ പൂന്തേന്‍ നുകരുവാന്‍

സാഹസം കാട്ടിയ സുന്ദരകാലവും

ആരോരുമറിയാതെ സൂക്ഷിച്ചു വച്ചൊരു

അരുമയാം നമ്മുടെ ജന്മസ്വപ്നങ്ങളും

മായ്ക്കുവാനാകാത്ത നിനവുകള്‍ പലതുമീ

നെഞ്ചോട്‌ ചേര്‍ത്തു ഞാന്‍ തേങ്ങിക്കരഞ്ഞിടാം   (2)

ഈ ശിഷ്ടജീവിതം നിനക്കായി പെയ്തിടാം

അധരം വിതുമ്പാതെ മിഴികള്‍ തുളുമ്പാതെ

യാത്രയാകൂ സഖീ… യാത്രയാകൂ.. 

സഖീ യാത്രയാകൂ..

ഇനി നമുക്കെല്ലാം മറക്കാം സഖീ

സ്നേഹശിശിരവും വാസന്ത ഹേമന്തവും    (2)

സങ്കടപ്പേമാരി തന്നില്‍ കുതിര്‍ന്നൊരാ

ചന്ദ്രികാലോലമാം ചെമ്പനീര്‍ പൂക്കളും

ചോരപൊടിയുന്ന വാക്കുകള്‍ കൊണ്ട് നീ

കുത്തിക്കുറിച്ചൊരാ പ്രണയകാവ്യങ്ങളും    (2)

സിരകളിലഗ്നി നിറച്ചൊരാ മൃദു-

ചുംബനത്തിന്‍ മധുരവും

മറവിയില്‍ മായാ സ്മൃതികളും

നിന്‍ തീവ്രമൗനത്തിലൂറും വിഷാദവും

ദിനരാത്രികള്‍ നാം കണ്ട സ്വപ്നങ്ങളും..

ഇനി നമുക്കെല്ലാം മറക്കാം സഖീ...

ഇനി നമുക്കെല്ലാം മറക്കാം സഖീ...

ഇനിയൊരു ജന്മത്തിന്‍ പുലരി പിറന്നെങ്കില്‍

ഒരു നവജീവിതം കോര്‍ത്തിണക്കാന്‍    (2)

ഒരു നവജീവിതം കോര്‍ത്തിണക്കാന്‍

ഒരിക്കലും പിരിയാത്തൊരാത്മബന്ധങ്ങളായി

അഭിലാഷമൊക്കെയും സഫലമാക്കാം

വിടരാതടര്‍ന്നൊരെന്‍ പ്രണയമൊട്ടേ

വിതുമ്പിത്തളരാതെ യാത്രയാകൂ.. (2)

*************************************************************************************************************

സജീവ്‌ വടകരയുടെ യാത്രാമൊഴി, 

ആലാപനം പി കെ കൃഷ്ണദാസ്‌

Seven Tips to Attain Peace of Mind - A forwarded mail....

When you were child you had a pure mind; the mind which was free from worries and anxieties. As the time passed, you were influenced by several social, personal, familial and official crises such as financial complications, broken relationship, lack of trust, joblessness, failure in business, loss of respect and so on. When the mind is stressful, the associated germs of negativity, jealousy and pessimism add fuel to fire and hence your pure mind becomes impure. These impurities if taken out can bring back the mental purity hence real spirit of joy of childhood can be attained up to an adequate level. Off course you cannot fix all of your problem at once but you can train your mind to develop the skills which can help either bypass or overcome the depressed and tragic situations so as to give you a big time relaxation while you focus on the solution to your problems. Below are some techniques which can be used to combat the peace stealing triggers:

    1. Mind your own business. Yes, please mind your own business. When you start being concerned about things which are not related to you, you lose your grip on your thought process which often results in negativity disturbing the mental peace. Basically, your mind starts wandering here and there. As you know that a non-focused mind is evil's workshop hence the germs of negativity and jealousy gain more strength. So next time an unnecessary thought comes to your mind, think whether this is really something you should be worrying for? If not, shun it right away and focus on something positive, practical and fruitful. 

    2. Surround yourself in positive people. Ignore negative comments and stay away from negative souls. When someone is negative, he spreads negativity and you get affected. Permanently staying with such people will have long term impact on your character so think about your company.

    3. Don't think about others too much. Remember the great quote: small minds discuss people; Average minds discuss events; Higher minds discuss ideas and Great minds act in silence. Don't allow your brain to compare yourself to others as this is an insult to yourself. Don't be Jealous; it's a heart killing disease, get rid of it as soon as possible. When you are jealous you focus on finding faults in others even if they don't have. This poisons your soul and steals the mental peace.

    4. You can't keep everyone happy. Don't be over sensitive. Be natural and genuine in what you do. Be positive, constructive and ethical in your deeds and then don't really care too much about others. Be aware, don't apply this formula to too closed relations. Develop trust to establish powerful relationships.

    5. Control your mood swings as it is an indication of unstable personality. Do it by not being over sensitive to others. Stop being reactive and implosive. Stay calm.

    6. Ignore your thoughts about being unlucky. Bad luck happens to everyone. It's not your fault at all. Time whether good or bad, passes quickly. Develop the power of not looking back into your past. Believe in the power of Now. Believe in your skills. Work hard and have faith in God; you will get what you have been entitled for. Be patient and see what God has planned for you. Patience and consistency in your deeds is the key to success.

    7. Simplicity in your character and living style can overcome the stress and improve your happiness index. Don't be socially sensitive and start following every single trend your social circle is following.

# Thanks Junaid

Moment in Time.... - A forwarded mail...

We talked, We walked, for a Moment in Time.

You passed through my life that day and left your mark.

You may never pass my way again, or you may stay for a lifetime.

No matter what,

I want to say thank you for the impression you made that will stay with me for eternity.

I enjoyed the walk, I enjoyed the talk.

I am blessed for that moment in time.

The first time I saw you I knew you would affect my life,

though your role I did not know.

I asked myself, "Why is s/he alone?

Why does s/he sit so quiet, all alone?

Is s/he sad?

Is s/he glad to be alone?

Is s/he alone?

Is s/he lonely? "

There is so much I want to know.

I asked myself, "Why him/her?

When so many people pass through my life each day, why him/her? "

What attracts me to you? What makes me want to know more? I want to know.

Even if my questions are never answered,

There is one thing I want you to know.

I have been blessed by the effect you had on me in that

Moment in Time.

        # Thanks Cynthia Kepp for these lines and Junaid for sharing.

അസ്തമയസൂര്യന്‍റെ കൂടാരവും തേടി.....

നിറം മങ്ങിപ്പോകാത്ത ഓര്‍മ്മകള്‍ക്ക്...

കാലം കരുത്തു നല്‍കുന്ന സ്നേഹത്തിന്...

നിറമിഴികള്‍ തുടയ്ക്കുന്ന സാമീപ്യത്തിന്...

നെഞ്ചോട്‌ ചേര്‍ക്കുന്ന വാത്സല്യത്തിന്...

ചേര്‍ത്ത് പിടിക്കുന്ന സൗഹൃദത്തിന്....

ആശ്വാസം നല്‍കുന്ന വാക്കുകള്‍ക്ക്...

അത്ഭുതപ്പെടുത്തുന്ന നിമിഷങ്ങള്‍ക്ക്...

എന്തേ, എന്തിനേ എന്ന ചോദ്യങ്ങള്‍ക്ക്...

കൂടെ ഞാനില്ലേ എന്ന ഓര്‍മ്മപ്പെടുത്തലിന്..

ഒപ്പമോടിയെത്തുന്ന മനസ്സിന്.....

പിന്നെല്ലാമെല്ലാമായ നിനക്ക്...

ഈ രാവില്‍, വൈകിയ ഈ വേളയില്‍ ...

നല്‍കുവാന്‍ സ്നേഹപൂര്‍വ്വം നന്ദി മാത്രം..

തിരിച്ചു കിട്ടാത്ത സ്നേഹം മനസ്സിന്‍റെ വിങ്ങലാണ്..

നീ പറയുമ്പോഴും, ഞാനറിയുമ്പോഴും

ഞാന്‍ നിന്നെ സ്നേഹിക്കുകയായിരുന്നു...

നീയെന്നെ സ്നേഹിക്കുന്നത് പോലെ...

അളവുകോലുകള്‍ കൊണ്ടളന്നു നോക്കാതെ...

വെറും വാക്കുകളിലൊതുക്കാതെ...

ആകാശത്തിന്‍റെ പരിധികളോടെ...

മനസ്സിന്‍റെ വേഗതയോടെ...

സമയം കുറവേയുള്ളൂ... 

ചെയ്തു തീര്‍ക്കാന്‍ ഒരുപാടും...

എവിടെയാണെങ്കിലും ഒരു നിമിഷമെങ്കിലും

ഓര്‍മ്മകളില്‍ ഞാനുണ്ടാകും എന്നറിയാം..

എന്തെന്നാല്‍ ഞാനും നിന്നെയോര്‍ക്കുന്നു...

ഓരോ നിമിഷവും, ഓരോ ശ്വാസത്തിലും...

സുഖമായിരിക്കുക, സന്തോഷമായിരിക്കുക...

നിനക്ക് നല്‍കാന്‍ നന്മകള്‍ മാത്രം...

ഹൃദയം നിറഞ്ഞ നന്മകള്‍ മാത്രം....

ഓര്‍മ്മകള്‍ ചിലപ്പോഴൊക്കെ ആശ്വാസമാണ്..

ഒരിക്കലെങ്കിലും ഒരുമിച്ചായിരുന്നു

എന്നതിന്‍റെ അവശേഷിപ്പുകളാണവ...

ഓര്‍മ്മകള്‍ ചിലപ്പോഴൊക്കെ വേദനകളാണ്...

അറിയാതെ കൈകള്‍ നീട്ടുമ്പോള്‍ കോര്‍ത്തു

പിടിക്കാന്‍ അരികിലില്ലല്ലോ എന്ന തിരിച്ചറിവില്‍ ...

ഓര്‍മ്മകള്‍ ചിലപ്പോഴൊക്കെ സന്തോഷങ്ങളാണ്...

അകന്നു പോയത് നന്മയിലെക്കാണല്ലോ എന്നറിയുമ്പോള്‍ ..

ഇന്നും സുഖമായിരിക്കുന്നല്ലോ എന്ന അറിവില്‍ ...

ഈ രാവ് മുഴുവന്‍ ഞാന്‍ നിന്നേക്കുറിച്ച് ഓര്‍ക്കുകയായിരുന്നു...

ഒരുമിച്ചു പങ്കിട്ട നിമിഷങ്ങള്‍, വഴക്കടിച്ചത്, പിണങ്ങിയത്, 

വീണ്ടും ഇണങ്ങിയത്.. പറഞ്ഞത്, പറയാന്‍ ബാക്കി വച്ചത്..

എല്ലാം ഓര്‍ത്തെടുക്കുകയായിരുന്നു... 

ചില രാവുകള്‍ അങ്ങനെയാണ്.... 

അകലെ മറയുന്ന ചില സ്നേഹങ്ങളോടൊപ്പം...

ഏറെ നേരം ഒരുമിച്ചിരിക്കണം ആ ഓര്‍മ്മകളില്‍ ...

അകന്നതും മറഞ്ഞതും പിരിഞ്ഞതുമായ ഓരോ ബന്ധവും 

മനസ്സില്‍ ആഴത്തില്‍ പതിഞ്ഞിരിക്കുന്നത് അത് കൊണ്ടാണ്... 

#    നിനക്ക് വേണ്ടി കുറിക്കുമ്പോള്‍ അറിയാതെ നിറയാറുണ്ട് കണ്ണും മനസ്സും... അകലെയായാലും അരികിലുണ്ടെന്നു നീ നല്‍കുന്ന വിശ്വാസം, ആ വിശ്വാസമാണ് എന്‍റെ ഓരോ നിമിഷവും... നീ ചിരിക്കുമ്പോള്‍ ഞാനെന്‍റെ ഓരോ വേദനയും മറക്കുന്നു... നീ മാത്രം, നിനക്ക് മാത്രം എന്ന് പറയുമ്പോഴും അരുതെന്ന് മനസ്സ് വിലക്കാറുണ്ട്... ഓര്‍മ്മകള്‍ക്കപ്പുറം പുഴയൊഴുകുന്നുണ്ട്.. ഒരായിരം കളിയോടങ്ങളെയും പേറി... തിരകളില്‍ പെട്ട് മറിയാതെ  ഓരോ കളിയോടത്തെയും ഓരോ തീരമണയ്ക്കണം.... ഒടുവില്‍ എല്ലാ തീരവും അന്യമായി തീരണം... അവിടെ എന്‍റെ യാത്ര തുടങ്ങുന്നു... എല്ലാം വെടിഞ്ഞ്.... ശാന്തമായ കടലിനക്കരെ.... അസ്തമയസൂര്യന്‍റെ കൂടാരവും തേടി..... 

ശുഭരാത്രി...... ശുഭദിനം...... #

Seven qualities of highly ethical people - A forwarded mail...

People are ethical because of social norms, religious beliefs and laws. Ethical foundations in an individual define the way he lives the life by differentiating between right and wrong and behave in a way which improves the situation directly or indirectly however doesn't harm it at any cost. Ethics have been defined by relevant governmental and religious authorities for several domains of life however below article occupies 'blanket' coverage for all norms of life.

Below are top seven qualities of highly ethical people.

1- They are Empathic: Ethical people have high degree of emotional intelligence. They understand things from multiple perspectives covering all the direct and indirect stake holders.. They seek first to understand than to be understood. They have strong observatory, listening and analytical skills to understand things deeply. This quality makes them unique which enables them to win the trust of others; consequently, people share their problems with them with open heart and seek their support.

2- They Forgive and Forget: It requires a brave heart to forgive and forget. Ethical people don't keep grudges for long duration. They have the tendency to establish peace all the times hence keeping the brawls open does not suit them. They stay away from such complications and move ahead with life by forgiving and forgetting the matters.

3- They are Always willing to Help: Highly Ethical people always want to improve the situation regardless of their relationship with a person who is in trouble. They take either corrective, preventive or suggestive initiatives for resolving issues. Corrective approach ensures that the matter is fixed by doing some specific actions. Preventive approach guarantees that such particular matters do not appear again. They use preventive approach to reach the root cause of the issue so as to fix it permanently so as to avoid further frequency of such incidents. Suggestive methodology is used by them for guiding someone to do some specific act in order to overcome a tragic situation.

4- They are Implosive: Ethical people are not hyper sensitive or explosive personalities. They possess a cool mind and a soft heart. They avoid frequent mood swings in order to develop a consistent and stable personality. They handle indecencies with decency. They know how to ignore hard and harsh comments and still converse softly. They know how to handle idiotic situations. They have high degree of anger management skills which further empowers their implosive personality trait. 

5- They Mind Their Own Business: A lot of people have the habit of having serious curiosity about every other person's life. This habit causes them talk about people too much, spreading rumors and scattering false news in the society without any verification. Unlike those, ethical People do not interfere in others' lives unnecessarily; they mind their own business. Ethical people understand the fact the character assassination is equally a great sin so they don't give attention to rumors and focus on crystal clear matters; and avoid peeping into others' personal matters.

6- They are Flexible adaptable: The wise says, it is better to bend than to break. Ethical people possess a great deal of elasticity. They adapt themselves according to the situation. They don't stick to one mind set. Their continuous thought process enables them to change their minds easily in order to improve a situation without making it a matter of ego. They are not stubborn at all instead portray a flexible behavior in all kind of tough situations.

7- They Do not criticize: Too much criticism is the root of several social and professional problems. Ethical people do not criticize at first place. In case they need to condemn or criticize something they follow a positive methodology to approach the relevant person and advice in a way which doesn't hurt anyone and convey the message in an effective way.


# Thanks Junaid

ഒന്നിച്ചു നടന്നൊരാ ഒറ്റയടിപാതയും
ഒരുമിച്ചിരുന്നൊരാ ആല്‍മരച്ചുവടും
ഓര്‍മ്മകള്‍ മാത്രമായി മാറുന്ന നേരം
തിരിഞ്ഞൊന്നു നോക്കാതെ മറയുന്ന നേരം
വിതുമ്പുമാ ചൊടിയില്‍ അറിയാതെയുതിരും
അരുതെന്ന വാക്കില്‍ മനസ്സൊന്നു കൊരുക്കും 
മിഴിതൂവി പൊഴിയുന്ന മാനസനോവിനെ
വിരലാല്‍ തുടയ്ക്കാന്‍ തിരിയും
അറിയാതെ വിരലാല്‍ തുടയ്ക്കാന്‍ തിരിയും
അകലുവാനാകുമോ ഒരുവേള വെറുതേ...
പറയുകയെങ്കിലും പിരിയുവാനാമോ..?

നീയായി തീര്‍ന്നതും, നിനക്കായി തീര്‍ത്തതും....

നീ ഒളിപ്പിച്ചു വച്ചതെല്ലാം ഇന്നലെകളില്‍ എന്നോ എന്നെ തേടിയെത്തിയിരുന്നു...
നിന്‍റെ കണ്ണുകളിലെ സ്നേഹവും, മനസ്സിലെ ആര്‍ദ്രതയും...
പിന്നെപ്പോഴോ അറിയാതെ വാക്കുകളിലൂടെ നീ പറഞ്ഞ പലതും...
നിനക്ക് വേണ്ടി ഞാന്‍ കാത്തുവച്ചതെല്ലാം കാണാതെ പോയതാണോ നീ,
അല്ലെങ്കില്‍ കണ്ടില്ലെന്നു നടിച്ചതോ...
ഏതായാലും... അറിയണമെന്നില്ല, ഇനിയൊട്ടു അറിയുകയും വേണ്ട...
ചോദിച്ചെന്നു മാത്രം.... 
ഉത്തരമില്ലാത്ത ചോദ്യങ്ങള്‍ ........ അര്‍ത്ഥമില്ലാത്ത ഉത്തരങ്ങള്‍ ...! 
നമുക്കിടയില്‍ എത്രയോ വട്ടം ഗതി കിട്ടാത്ത ആത്മാക്കാള്‍ പോലെ....
വഴിയോരങ്ങളില്‍ കാത്തു നില്‍ക്കാറുണ്ടായിരുന്നു, പണ്ട് പലപ്പോഴും, 
ഇന്ന് അതും ഒരോര്‍മ്മ, വെറും ഒരോര്‍മ്മ...!
ആ വഴികള്‍ തന്നെ എന്നെ മറന്നെന്നു തോന്നുന്നു...
അതില്‍ പരാതികളില്ല, പരിഭവങ്ങളില്ല; പ്രത്യേകിച്ച് നിന്നോട്...
പരിഭവിക്കാനും, പരാതി പറയാനും മാത്രം നീയെനിക്ക് ആരുമല്ലായിരുന്നു 
എന്ന് നീ പറയാതെ പറയുമ്പോള്‍ ഒട്ടും അതിശയമില്ലായിരുന്നു എനിക്ക്...
പണ്ടൊരിക്കല്‍, ആദ്യമായി ഇടറിയ മനസ്സിന്‍റെ ചാഞ്ചല്യവും ഉണ്ടായിരുന്നില്ല..!
ആവര്‍ത്തനങ്ങള്‍ പുതുമയെ നഷ്ടപ്പെടുത്തും എന്ന് പറഞ്ഞത് എത്ര സത്യമാണ്...!
അറിയാതെ ഇന്ന് ഞാനും മാറുന്നു... എനിക്ക് പോലും മനസ്സിലാകാത്ത വിധത്തില്‍ ...
എന്‍റെ വേദനകള്‍ പോലും അറിയാതെയാവുന്നു.... 
ഒപ്പം, നിന്‍റെ വേദനയും ഇന്നെന്നെ നോവിക്കുന്നില്ല...
എവിടെയോ നഷ്ടപ്പെട്ട ഒരു മനസ്സുണ്ട്.... 
എന്റേതായിരുന്നു എന്ന് ഇന്ന് ഞാന്‍ സങ്കല്‍പ്പിക്കുന്ന എന്‍റെ മനസ്സ്....!
ഇന്നതിനെ തിരയാറില്ല... തേടിപ്പിടിക്കാന്‍ ശ്രമിക്കാറുമില്ല... 
ആ മനസ്സായിരുന്നു എന്‍റെ ശാപം...!
ഉപേക്ഷിച്ച വീഥികളും, ഉപേക്ഷിക്കപ്പെട്ട വീഥികളും 
ഇനി മറവിയുടെ തുരുത്തുകളില്‍ അഭയം തേടട്ടെ.....
ഓര്‍മ്മകള്‍ക്ക് ഒരുമയുടെ ശക്തിയായിരുന്നു... 
എന്നിട്ടും ഇന്നെല്ലാം മറക്കുന്നു ഞാന്‍, 
എന്നെക്കാളേറെ നീയും...!



#          ഈ മഴയത്ത് കുത്തിയൊലിച്ചു നീ അകലേക്ക് പോകുമ്പോഴും 
അടുത്ത വേനലില്‍ ഉരുകിയൊലിച്ച് എന്നിലേക്കൊഴുകുമെന്നു തീര്‍ച്ച....
നീയായി തീര്‍ന്നതും നിനക്കായി തീര്‍ത്തതും ഈ ഞാനാണെന്നിരിക്കേ...
നിനക്ക് തിരികെ വരാതിരിക്കാനാവില്ല..... 
ഒരു പൂവെന്‍റെ നെഞ്ചോട്‌ ചേര്‍ത്തുവയ്ക്കാനെങ്കിലും...!
ഒരു തുള്ളി കണ്ണുനീര്‍ കൊണ്ടൊരു വിടയോതാനെങ്കിലും...!

ആര്‍ക്കോ വേണ്ടി മിടിക്കുന്ന ഹൃദയം...!

വരികള്‍ മറന്ന പാട്ട് പോലെ...
മനസ്സില്‍ ഇന്ന് ഒരീണം മാത്രം...!
കരിമഷിക്കണ്ണും കരിവളയിട്ട കൈകളും
എങ്ങോ മറഞ്ഞതറിയാതെ....!
ആകുലതകളും വേവലാതികളും
വേണ്ടെന്നു പറയുമ്പോള്‍ വെടിഞ്ഞ്...!
കൊഴിഞ്ഞുവീണ പൂക്കള്‍ നിറഞ്ഞ വീഥി കണ്ട്...!
മൃതിയില്‍ നിന്നൊരിക്കല്‍ പോലും ഉണരാതെ...!
പ്രിയമുള്ള നിലാവിനോട് ഒരുപാട് പറഞ്ഞ്...!
ഋതുക്കള്‍ ഓരോന്നും താണ്ടി....
ഒടുവിലൊരു ശിശിരത്തിലഭയം തേടി...
എല്ലാ ഇലകളും പൊഴിക്കണം....
ശാഖികള്‍ കൊണ്ട് ആകാശം തൊടണം...
വേരുകള്‍ കൊണ്ടഗാധതയും..
പറഞ്ഞു തീര്‍ത്ത കഥകളിലെ കഥാപാത്രങ്ങളെ വരയ്ക്കണം..
അവ്യ്ക്ക്  ജീവന്‍ കൊടുക്കണം...
പകരം പറയാന്‍ പഠിപ്പിക്കണം...
ഒരു നനുത്ത പ്രഭാതത്തിന്‍റെ തണുപ്പും...
മധ്യാഹ്നത്തിന്‍റെ ചൂടും...
സായന്തനത്തിന്‍റെ കുളിരും...
രാവിന്‍റെ മൗനവും...
ഒരിക്കലെങ്കിലും ഒരുമിച്ചു പങ്കിടണം...
സമയം വളരെ കുറവേയുള്ളൂ...
ചെയ്തു തീര്‍ക്കാന്‍ ഒരുപാട് കാര്യങ്ങളും...

ഈ രാവെനിക്ക് നല്‍കിയത് ....

ഓര്‍മ്മകള്‍ക്ക് പച്ച നിറം ചാര്‍ത്തുമ്പോള്‍ മനസ്സും തളിര്‍ക്കുകയായിരുന്നു...

ഒരിക്കല്‍ കൂടി ആ വഴികളിലൂടെ നടക്കാന്‍ ...അന്ന് പറഞ്ഞതെല്ലാം ഒരിക്കല്‍ കൂടി പറയാന്‍ ....

പക്ഷേ; എനിക്ക് മനസ്സിലാവാത്ത വിധം നീയിടയ്ക്കിടെ മാറുന്നു... എന്‍റെ മനസ്സ് പോലെ...

ഏറിയും കുറഞ്ഞും സ്നേഹം അവിശ്വാസ്യത നേടുന്നു..

തുറന്നിട്ട വാതില്‍ പാളികള്‍ പാതി ചാരേണ്ടി വരുന്നത് കാലത്തിന്‍റെ നിയോഗമാകാം..! അല്ലെങ്കില്‍ എന്‍റെ തന്നെ തെറ്റുമാകാം...!

നിന്‍റെ ശരികള്‍ എന്റേതു കൂടിയാവാന്‍ എന്തായിരുന്നു തെറ്റ് എന്ന് ഞാനറിയണം... അല്ലാതെ വയ്യ...

മനസ്സ് പങ്കു വയ്ക്കലാണ് സൗഹൃദം, സ്വയം എന്നോട് പറയുന്നത് പോലെ ഞാന്‍ നിന്നോട് പറയുന്നുവെങ്കില്‍ എനിക്ക് നീ സുഹൃത്ത് ആയത് കൊണ്ട് മാത്രമാണ്... അല്ലാത്തതിനെ എങ്ങനെയാണ് സൗഹൃദം എന്ന് പറയേണ്ടത് എന്നെനിക്കറിയില്ല... നിനക്ക് ഞാന്‍ എങ്ങനെയാണ് എന്നും എനിക്കറിയില്ല.... നീ പറയാറുണ്ടോ എന്നെങ്കിലും, ഞാന്‍ പറയാറുള്ളത് പോലെ...? നീ പറഞ്ഞ പാതി സത്യങ്ങള്‍ക്കപ്പുറം പിന്നൊരു പാതി മറഞ്ഞിരിക്കുമ്പോഴും അതൊരു കള്ളമല്ല എന്ന് വിശ്വസിക്കാനാണെനിക്കിഷ്ടം... എന്‍റെ ശരികള്‍ മാത്രമാണ് നിന്നെ നീയായി കാണാന്‍ എന്നെ പ്രാപ്തനാക്കുന്നത്... ആ ശരികള്‍ തെറ്റാണെന്ന് നീ പറയുമ്പോള്‍ അല്ലെന്നു വാദിക്കേണ്ടി വരുന്നതും അത് കൊണ്ട് മാത്രമാണ്....

ഒരുറക്കത്തിനു മുന്നേ മനസ്സിന്‍റെ ഭാരങ്ങള്‍ ഇറക്കി വയ്ക്കണം... അടുത്ത ഉണര്‍വ്വില്‍ വീണ്ടും നെഞ്ചില്‍ ചുമക്കാന്‍ വേണ്ടി മാത്രം..... രാവേറെ വൈകുന്നു.... പെയ്തൊഴിയുന്ന മഴ നിര്‍ത്താതെ താരാട്ട് പാടുന്നു... ഈണമുണ്ട്, അതിനെന്‍റെ മനസ്സിന്‍റെ താളമുണ്ട്... മൗനമായി പറയുന്നുണ്ടെന്നോട് ശാന്തമാവാന്‍ .... 

നീട്ടിപ്പിടിച്ച കൈകളില്‍ ഇറ്റുവീണ മഴത്തുള്ളികളെ നോക്കി കൂട്ട് വന്ന മിന്നാമിനുങ്ങുകള്‍ പറയുന്നുണ്ട് നമുക്കൊരു മഴവില്ല് തീര്‍ക്കാന്‍ കഴിഞ്ഞിരുന്നെങ്കില്‍ ..... എല്ലാ ആഗ്രഹങ്ങളും സഫലമാകില്ലെന്നു പറയുമ്പോഴും, എല്ലാ മോഹങ്ങളും പൂര്‍ത്തിയാകില്ലെന്നു മുന്നറിയിപ്പ് കൊടുക്കുമ്പോഴും അതിന്‍റെ കണ്ണുകളിലെ പ്രതീക്ഷ,നാളത്തെ സൂര്യോദയത്തിലുണരാനെന്‍റെ പ്രചോദനം...

ശുഭരാത്രി....

*1

അത്ഭുതപ്പെടാന്‍ ജീവിതം എന്നെ പഠിപ്പിച്ചിട്ടില്ല!
വിശ്വസിക്കാന്‍ മാത്രം പഠിപ്പിച്ചു....!
വിശ്വാസം നഷ്ടപ്പെടുമ്പോഴും അത്ഭുതപ്പെടാറില്ല!!

യാത്ര.... എന്‍റെ മോചനം....!

മോചനം, ശരിക്കും ഒരു സ്വാതന്ത്ര്യത്തിനായി വല്ലാതെ ആഗ്രഹിക്കുന്നുണ്ട് മനസ്സിപ്പോള്‍ ! അറിയാതെ എപ്പോഴോ തടവറയിലായിരുന്നു, വെളിയിലേക്ക് പോകാന്‍ നോക്കിയപ്പോഴായിരുന്നു അറിഞ്ഞത്.. ബന്ധിക്കപ്പെട്ടിരുന്നുവെന്നു... പലവട്ടം ശ്രമിച്ചപ്പോഴെല്ലാം പരാജയപ്പെട്ടിരുന്നു..... 

പക്ഷേ ഇനി പരാജയപ്പെടാന്‍ വയ്യ.... അതെ നീ പറയും പോലെ ജയിക്കണം എന്ന എന്‍റെ ദുര്‍വാശി തന്നെ, സമ്മതിച്ചു തരുന്നു..... 

അന്ന് നീ പറഞ്ഞ അഹങ്കാരവും ഇന്നെന്‍റെ കൂടെയുണ്ട്.... എന്‍റെ തുടക്കം നീയറിയാത്തത് കൊണ്ട് ഞാനതും സമ്മതിച്ചു തരുന്നു.... 

അഹങ്കാരി തന്നെയാണ് അന്നും ഇന്നും.....  

നിനക്കൊരു മനസ്സുണ്ടോ എന്നൊരിക്കല്‍ നീ ചോദിച്ചല്ലോ... പറയട്ടെ, ഇല്ല നിന്നെ മനസ്സിലാക്കാന്‍ കഴിയാത്തപ്പോള്‍ എനിക്ക് മനസ്സുമില്ല... അവിടെ വേറെന്തോ ആണ്... നീ പറയും പോലെ കല്ലോ മറ്റെന്തോ...! 

വയ്യെടോ, മടുത്തു..! എല്ലാം.... പ്രഹസനങ്ങളായ കുറെ പ്രഹേളികകള്‍ കണ്ടു മനസ്സ് മരവിച്ചു പോയിരിക്കുന്നു.... വെറുതേ ഇനിയും ഹൃദയത്തില്‍ ഒന്നും കൊണ്ട് നടക്കാന്‍ വയ്യ.... എല്ലാം ഉപേക്ഷിക്കുകയാണ്..... പോകണം ഞാന്‍ മറന്ന എന്‍റെ ലോകത്തേക്ക്... എന്നെ തന്നെ പറഞ്ഞു വിശ്വസിപ്പിക്കേണ്ട കാര്യങ്ങള്‍, ഇനി എനിക്ക് നിന്നോട് മാത്രം പറയണം...