ഒരുപക്ഷേ പരസ്പരമറിഞ്ഞു തുടങ്ങിയാല്‍ പിന്നെ അകലാനുള്ള കാരണങ്ങള്‍ തിരയുന്നൊരാളായതിനാലാവാം നമ്മളൊരിക്കലും അടുക്കാതിരുന്നത്... അതിലെനിക്കത്രമേല്‍ സന്തോഷമുണ്ട്... നിന്നോട് നന്ദിയും....

ഏതകലങ്ങളില്‍  നിന്നാണോ നമ്മള്‍ വന്നത്.. ഏതകലങ്ങളിലേക്കാണോ നമ്മള്‍ പോകേണ്ടത്...

അറിയാത്ത വഴികളില്‍ സഹായാത്രികരായതും.. വഴിമാറി സഞ്ചരിച്ചതും.. മറ്റൊരു വഴിയില്‍ വീണ്ടും കണ്ടതും.. കണ്ടും കാണാതെയും, അറിഞ്ഞും അറിയാതെയും ഈ യാത്രയിങ്ങനേ.. പലവുരു പോവുമ്പോഴും, ഏതെങ്കിലും ഒരുകാലത്തില്‍ വച്ചൊരാള്‍ എന്നേക്കുമായി യാത്ര പറയുമ്പോഴും, ഓര്‍മ്മക്കാടുകളില്‍ പുതിയൊരു തളിര്‍ നാമ്പിടുന്നതും, മനസ്സ് പെയ്യുന്നതും, ഹൃദയം ആര്‍ദ്രമാകുന്നതും ഞാന്‍ അല്ലെങ്കില്‍ നീയറിയുന്നുണ്ട്... ആരും കൂടെയില്ലാത്ത വഴികളില്‍, ചില യാത്രകളില്‍ അനുവാദമില്ലാതെ നീ കടന്നു വരുന്നത് കൊണ്ടാവണം ഈ വഴികളുപേക്ഷിക്കാന്‍ എനിക്ക് മനസ്സ് വരാത്തത്...