എന്തേ ഇന്നെന്‍ കനവുകള്‍ എല്ലാം നീയായി...
എന്തേ ഇന്നെന്‍ നിനവുകള്‍ എല്ലാം നീയായി...
പുഴ തന്‍ നിറുകയില്‍ കുഞ്ഞോളം
വിരല്‍ തഴുകി പാടി മിഴികള്‍ നിറയുവതെന്തേ
ഇന്നെന്‍ കനവുകള്‍ എല്ലാം നീയായി...
നിന്നേ കാണും കണ്ണിന്നുള്ളില്‍ മിന്നും മിന്നാമിന്നികള്‍
പൊഴിയുമീറന്‍ മേഘം പുഴയിലെഴുതും കാവ്യം...
നീള്‍കിളികള്‍ പാടുന്നുവോ ദൂരെ..
കണ്ണിലൊരു കുളിരുമ്മ നല്‍കാന്‍ വന്നു ഞാനരികേ
മനസ്സേ ഇനിയും മധുരം പകര്‍ന്നു തരൂ...
എന്തേ ഇന്നെന്‍ കനവുകള്‍ എല്ലാം നീയായി...
വാല്‍ക്കണ്ണാടി നോക്കും രാവില്‍ തീരം തേടി വന്നുവോ
വെണ്ണിലാവേ നീയെന്‍ നെഞ്ചിലൂറും സ്നേഹം...
നെയ്‌തിരികള്‍ നേരുന്നൊരീ നദി നീ..
നിറം വാര്‍ന്ന നിഴലൊളി പോലെന്‍ ഹൃദയം
കണ്ടു ഞാന്‍ നിന്നില്‍ അഴകേ.....
ഇനിയും നിറമേഴും നീ തരുമോ....
(എന്തേ ഇന്നെന്‍..)
No comments:
Post a Comment