നിത്യഹരിത

ദൈവം തന്ന വീടുറങ്ങീ
ദൂരെ പാടും കിളിയുറങ്ങീ
അന്നു നമ്മളോമനിച്ചൊരു
ചെമ്പകത്തില്‍ കാറ്റുറങ്ങീ..                     (2)
നീയുറങ്ങിയോ ഓ..ഓ.. പ്രിയസഖീ..
ഇന്നെനിക്കു ജന്മനാള്‍
ഏതു കോവിലില്‍ നീ..
എന്‍ പിറന്നാളുണ്ണുവാന്‍
ഏതു വിഹായസ്സില്‍ നീ
 നിന്നെ തേടിവരാറില്ല ഞാന്‍ പാര്‍പ്പിടത്തില്‍
ഇന്നീ പാതയിലേകനായി എത്രദൂരം.. മല്‍സഖീ
                                                    (ദൈവം തന്ന വീടുറങ്ങീ )
നീയറിഞ്ഞീലയോ വീണ്ടും ..
നീലക്കുറിഞ്ഞികള്‍പൂത്തൂ...
നീലിച്ചോരെന്റെ കണ്ണില്‍...
പ്രായവും ചേക്കേറി വന്നൂ...
പട്ടില്‍ പൊതിഞ്ഞൊരാ തൂലകത്തില്‍
വരമന്ദഹാസമുണ്ടോ...?
സീമന്തരേഖയില്‍ നീ വരയ്ക്കും
സിന്ദൂരമിപ്പോഴുമുണ്ടോ....?
ഒന്നും ചൊല്ലാതെ പോയീ...
മറുവാക്ക് മൊഴിയാതെ പോയീ..
                                                    (ദൈവം തന്ന വീടുറങ്ങീ )
ശാന്തമാണിപ്പോഴും ഗ്രാമം
വാര്‍ദ്ധക്യമാണിന്നു ശാപം
നീ തന്നു പോയൊരാ മക്കള്‍
ചിറകുവച്ചെങ്ങോ പറന്നൂ..
വയ്യെനിക്കീവിധം സ്നേഹമയീ
കൂട്ടിനായൊന്നു വിളിക്കൂ
തോരാത്ത നോവായി പെയ്തിറങ്ങും
കണ്ണീരു വിരലാല്‍ തുടയ്ക്കൂ...
ഇനിയും ജന്മങ്ങളുണ്ടോ...
മരണത്തിന്‍ മറുകരയുണ്ടോ....
                                                    (ദൈവം തന്ന വീടുറങ്ങീ )


കാലം മറന്നൊരീ നോവിന്റെ ദുഃഖപ്രദര്‍ശനശാലയില്‍ നാം 
കാണികളെല്ലാം പിരിയുന്ന വേളയിലങ്ങ് തനിച്ചാകും!!


**********************************************************************
കടപ്പാട്: East Coast Audios & East Coast Vijayan


**********************************************************************