നിത്യഹരിത

എത്ര പറഞ്ഞാലാണ് മതിയാവുക....?! ഒരു കുന്നോളം, ഒരു കടലോളം.....? വാക്കുകള്‍ എപ്പോഴാണ് തീരുക... എല്ലാം എന്നാണു പറഞ്ഞു തീരുക... ഒരിക്കലും തീരാത്ത വാക്കുകള്‍... മഴപോലെ, പുഴപോലെ... ഒരിക്കലും വറ്റാത്ത കടല്‍ പോലെ... ഇനിയും പറയാന്‍ ഏറെ ബാക്കി കിടക്കുന്നു...... ഒന്നും പറഞ്ഞില്ലെങ്കിലും..!

എന്‍റെ സ്നേഹം സ്വാര്‍ത്ഥമാവുന്നു എന്ന് തോന്നുമ്പോള്‍ എനിക്ക് നിശ്ശബ്ദനാവേണ്ടി വരുന്നു... മൗനം അകലങ്ങള്‍ തീര്‍ക്കുന്നു എന്ന് പറഞ്ഞ സുഹൃത്തിനോട്... മൗനം മനസ്സിന്‍റെ ഭാഷയാണ്‌.. ഏറെ നന്നായി ആസ്വദിക്കുമ്പോഴും, അഭിനന്ദിക്കണം, ആശംസിക്കണം എന്ന് തോന്നുമ്പോള്‍ പറയാതെ പറയുന്നത് ഹൃദയത്തിന്‍റെ ഭാഷ തന്നെയാണ്... അതില്‍ സ്നേഹമുണ്ട്, ബഹുമാനമുണ്ട്, കരുതലുണ്ട്, ചിലപ്പോഴൊക്കെ വാത്സല്യവും! 

ഒരിക്കല്‍ ഹൃദയത്തോട് ചേര്‍ന്ന് നിന്നവര്‍ എത്ര അകലെ പോയാലും, വെറുത്തെന്നു പറഞ്ഞാലും മറക്കാനോ വെറുക്കാനോ ആവില്ല... ഒരു നിമിഷമെങ്കില്‍ ഒരു നിമിഷം അവര്‍ എന്‍റെ ജീവിതത്തെ.., എന്‍റെ ആ നിമിഷങ്ങളെ സ്വാധീനിച്ചവര്‍ തന്നെയാണ്... കഴിഞ്ഞു പോയ കാലങ്ങള്‍ മറക്കാതിരിക്കാനുള്ള മനസ്സ് തന്നത് അനുഗ്രഹമോ, ശാപമോ എന്ന് പലവട്ടം ചോദിച്ചു പോകുന്നു..!